Дисциплинската комисија на ФФМ го казни Башкими од Куманово со настап на два натпревари како домаќин надвор од својот стадион на одалеченост од најмалку 100 километри и плус парична казна од 2.500 евра, за инцидентот на дуелот против Каменица Саса во Втората македонска фудбалска лига.
По немилите случувања на дуелот од Втората лига кога навивачи на Башкими влегоа на терен, напаѓајќи ги и гостинските фудбалери на Каменица Саса, Дисциплинската комисија донесе конечна казна за кумановци откако претходно и Натпреварувачката комисија на ФФМ го суспендираше теренот во Куманово.
Башкими веќе следниот натпревар во Втората македонска фудбалска лига против Кожув во недела ќе мора да го игра на оддалеченост од најмалку 100 километри надвор од Куманово.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
