Џими Батлер уште еднаш покажа дека е играч за големи натпревари. Меѓутоа ноќеска играчот на Мајами се надмина себе си со 56 поени го предводеше својот тим до победа над Милвоки во Флорида со 119-114, победа со која Мајами дојдоа до 3-1 во серијата, и се на праг да го елиминираат големиот фаворит предводен од Јанис Адетокумбо.
Батлер во својот плеј-оф рекорд имаше одличен шут од игра 19/28, и погодуваше секогаш кога беше најважно. Додаде 9 скока и 4 асистенции.
На најдобриот тим на западот не им помогнаа ни 14 поени предност на стартот на последната четвртина, кога Мајами направи пресврт. Не помогнаа ниту трипл-даблот на Јанис Адетокубо (16 поени, 13 скока, 10 асистенции), а ниту одличната партија на Брук Лопез (36 поени). Сега тимот на Милвоки нема повеќе право на грешка.
Како и Мајами, и Лос Анџелес Лејкерс дојде до 3-1 во серијата против Мемфис. После продолженија славеа со 117-111. Остин Риверс со 23 поени беше најефикасен, но најдобар учинок имаше Леброн Џејмс кој уфрли 22 поени, а имаше и 20 скока и седум асистенции. Леброн ги спаси Лејкерси со поени со звукот на сирената и го одведе мечот во продолженија.
РЕЗУЛТАТИ:
Мајами – Милвоки 119-114 (3-1 во плеј-оф серијата)
ЛА Лејкерс – Мемфис 117-111 по прод. (3-1 во плеј-оф серијата)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
