Голден Стејт Вориорс конечно се справи со траумите од минатото и се пласираше во првата рунда од плеј-офот! Во тензичниот дуел против Мемфис Гризлис, тимот од Сан Франциско славеше со резултат 121:116 и со тоа се одмазди за болната елиминација на плеј-ин турнирот во 2021 година.
На паркетот на „Чејс центарот“ седмопласираните Вориорс одиграа меч кој во целост го оправда епитетот драма, а клучните улоги им припаднаа на Џими Батлер и Стеф Кари.
Батлер беше одличен со 38 поени играјќи на позицијата крилен центар, додека Кари на крајот погоди две тројки кои го скршија отпорот на Гризлис. Кари го заврши натпреварот со 37 поени, а значаен придонес имаше и клупата – дури 30 поени.
Се истакнаа Гери Пејтон втор со 12 и Квинтен Пост со 11 поени. Интересно, само овие четворица кошаркари на Вориор беа двоцифрени.
Домашната екипа најмногу ја контролираше играта во првото полувреме. Имаа +13 во првиот дел, па +20 (55:35) во вториот.
Мемфис не се предаде иако во третата четвртина остана без Ја Морант кој го повреди скочниот зглоб. Сепак, и покрај болката, тој се врати на теренот и го предводеше последниот налет на својот тим.
Гризлис во два наврати во третата четвртина стигнаа до -1 (82:81, 92:91), додека во последната четвртина во два наврати водеа со минимална разлика.
Дезмонд Бејн беше најдобар во редовите на гостинскиот тим со 30 поени, Морант додаде 22, Џерен Џексон 18, а Зек Едеј 14 поени и 17 скока.
Со оваа победа, Вориорс направија пресметка со второпласираниот Хјустон во првото коло од плеј-офот.
BAY AREA… MEET PLAY-IN JIMMY.
38 points
— NBA (@NBA) April 16, 2025
РЕЗУЛТАТИ
Орландо – Атланта 120-95
Голден Стејт – Мемфис 121-116
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
