Легендарниот Борис Бекер, поранешниот тренер на Новак Ѓоковиќ, смета дека играчите денеска се однесуваат премногу безобразно на тениските терен, а санкциите не се баш најадекватни.
„И во мое време беше дозволено да покажуваме емоции, некогаш и да полудиме, но тогаш немаше социјални мрежи па сето тоа и не се одбележуваше толку. Ова денеска е навистина премногу“ – вели Бекер и продолжува:
„Тенисот е интересен спорт и навистина не сакам да гледам машини и роботи на терен, тоа ќе ја убие волјата и кај децата кои сакаат да тренираат. Ми се чини дека тенисот се распаѓа, а тоа не сакам да го гледам“.
АТП најави дека во наредниот период ќе разгледува воведување на дополнителни санкции за тенисерите кои ќе губат нерви на теренот, а посебно внимание ќе се обрнува на расправата со судиите, која е се почеста.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
