Белгискиот играч од средниот ред на Наполи, Кевин де Бруине, би можел да го пропушти Светското првенство во 2026 година во САД и Канада поради скинат мускул на десната бутина, објави англискиот весник „Сан“.
Според изворот, играчот на италијанскиот шампион е загрижен и дека тековната сезона можеби завршила предвреме за него. Оваа информација доаѓа откако пред само неколку дена стана јасно дека Белгиецот бил успешно опериран во својата татковина и сега е на рехабилитација. Според првичните информации што ги објави „Ла Газета дело Спорт“, Де Бруине требало да отсуствува барем до февруари 2026 година, што, сепак, е само на почетокот на пролетниот дел од првенството.
Ова би било и најсоодветно време фудбалерот да се врати на теренот, бидејќи би имал четири месеци да ја врати својата натпреварувачка форма пред почетокот на Светското првенство.
По шест кола од квалификацискиот циклус на УЕФА, белгискиот тим има 14 бода и е на првото место во групата Ј во која е и Македонија. Белгијците имаат уште два натпревари до крајот на групната фаза, а првиот од нив би можел да го запечати учеството на Мундијалот. Белгија во двата меча не успеа да ја победи Македонија, односно двата меча и во Скопје и во Гент завршија нерешено 1-1 и 0-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
