Дефанзивецот на белгиската фудбалска репрезентација, Јан Вертонген (37) објави дека се повлекува од дресот на „црвените ѓаволи“. Тој во последниот настап за репрезентацијата си постигна автогол и со тоа беше трагичната фигура на осминафиналето на еврото меѓу Белгија и Франција. Неговиот автогол во 85. минута од натпреварот беше единствениот гол на натпреварот и благодарение на него Французите се пласираа во четврт-финалето каде вечерва ги очекува Португалија.
Вертонген го држи рекордот по бројот на настапи за белгиската репрезентација. Откако дебитираше за националниот тим во 2007 година, настапи на 157 натпревари и постигна 10 голови. Првите белгиски играчи зад него по бројот на настапи се Аксел Витсел (132) и Тоби Алдервеирелд (127). Вертонген со 157 настапи го рангира на 33-то место за најмногу настапи за која било репрезентација во историјата на фудбалот.
„Од прв до последен, ви благодарам за сите спомени, го живеев сонот“, напиша Вертонген на своите социјални мрежи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
