Џад Белингам одигра нов извонреден натпревар во дресот на Реал, во триумфот синоќа од 2-3 на гостувањето против Наполи во Лигата на шампионите.
Белингам постигна и прекрасен гол на стадионот „Диего Армандо Марадона“ во Неапол нанижувајќи пет противнички фудбалери и со велемајсторски слалом завршувајќи со лесно поентирање. Сето тоа многумина ги потсети на легендарниот Марадона и неговите препознатливи слаломи.
По мечот, и Белингам беше запрашан да ги коментира овие споредби…
„Јас сум постигнал гол како Марадона? Дајте ве молам, да не претеруваме. Тоа е малку премногу… Од она што јас сум гледал од него мечеви на интернет, тој сепак бил малку поквалитетен од мене. Или подобро кажано, многу поквалитетен од мене…“ – истакна скромно Белингам по синоќешниот дуел во Неапол.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
