Реал Мадрид претрпе уште еден пораз во Лигата на Шампионите откако „кралевите“ потклекнаа на гостувањето против Ливерпул, губејќи со 2-0 во меч во кој англискиот тим имаше целосна доминација.
„Ајде да си признаеме, Ливерпул беше подобар и заслужено победи. Од првата минута ја презедоа контролата, ние немавме периоди на доминација на топката, па кога ќе ја имавме во посед одевме на сила и грешевме. Тие контролираа каде ќе се движиме, оставаа да бидеме таму каде што не бевме опасни. Колку и да е разочарувачки да се признае, беа подобри, помотивирани… ова е лош резултат за нас против тим што игра можеби најдобар фудбал во Европа во моментов, знаеме дека можеме многу подобро и важно е да се вратиме на посакуваните патеки“, изјави Џуд Белингем.
Англискиот репрезентативец застана во одбрана на Килијан Мбапе, откако францускиот голгетер промаши пенал при 1-0, момент што можеше да го врати Реал целосно во натпреварот.
„Тоа беше важен момент, Килијан е извонреден фудбалер, но притисокот врз него е огромен, токму поради тоа што е толку добар играч… Треба на сите да им биде јасно, промешаниот пенал не е причината за овој пораз. Загубивме затоа што не бевме доволно добри, затоа што Ливепрул беше подобар од нас. Толку е едноставно“, истакна Белингем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
