Белите украси го разубавија Охридско езеро: Меѓународната едриличарска регата на „Акватика јахтинг“ покажа колку на Македонија и е потребно едрењето (ФОТОГАЛЕРИЈА)

Изминатиов викенд Охридското езеро беше разубавено од белитe украси. Повеќе од 40 едрилици, во три едриличарски класи, од Македонија, Србија и Бугарија учествуваа на првата Интернационална регата „Охрид 2021“ во организација на Едриличарскиот клуб „Акватика јахтинг“ од Охрид а со поддршка од Едриличарската федерација на Македонија и Општина Охрид.

Првата, после долги години, меѓународна регата во Охрид покажа колку едрењето им е неопходно како врвен еколошки спорт на двата најголеми домашни туристички центри Охрид и Струга, но и на Македонија воопшто.

Организаторите на регатата уште еднаш потенцираа дека условите кои ги нуди Охридското Езеро не се воопшто искористени ниту оптимално, а не, пак, максимално. Најголемиот спортски терен во нашата земја се уште ја чека поддршката од сите соодветни институции и во општината и во државата затоа што водените еко-спортови им се неопходни на Охрид, Струга и Македонија. Подобрување на инфраструктурата за сите водени споротови и поголемо вложување од државата во едрењето, кој е еден од најатрактивните олимписки спортови, треба да биде дополнителен импулс младите да се привлечат да спортуваат.

„Се надевам дека ова ќе биде само почеток на една долга традиција во иднина по кој ќе биде препознатлив Охрид и македонското едрење“ – истакна првиот човек на „Акватика Јахтинг“, Стефан Ставрев на отворањето на Интернационалната едриличарска регата 2021.

На регатата учествуваа вкупно 41 едрилица од пет клуба од Македонија, Србија и Бугарија, при што 26 едрилици во најмасовната Класа Оптимист, осум едрилици во Класата Ласер 4.7 и седум едрилици во Класата 470.

ИНТЕРНАЦИОНАЛНА ЕДРИЛИЧАРСКА РЕГАТА „ОХРИД 2021“ – РЕЗУЛТАТИ

КЛАСА ОПТИМИСТ
ГЕНЕРАЛЕН ПЛАСМАН – МОМЧИЊА
1. Ненад Закиќ (ЈК Палиќ – Србија)
2. Берталан Молнар (ЈК Палиќ – Србија)
3. Берк Лушо (ЕК Снегар – Струга)
МОМЧИЊА ДО 12 ГОДИНИ
1. Берталан Молнар (ЈК Палиќ – Србија)
2. Берк Лушо (ЕК Снегар – Струга)
3. Петар Петров (ЦСЈС Академик – Софија, Бугарија)
ДЕВОЈКИ
1. Тијана Закиќ (ЕК Палиќ – Србија)
2. Евгенија Ставрева (ЕК Акватика Јахтинг – Охрид)
3. Андреја Кавај (ЕК Снегар – Струга)
ДЕВОЈКИ ДО 12 ГОДИНИ
1. Андреја Кавај (ЕК Снегар – Струга)
2. Андреја Чуркоска (ЕК Снегар – Струга)
3. Мила Булатовиќ (ЕК Акватика Јахтинг – Охрид)

КЛАСА ЛАСЕР 4.7
1. Алекса Сретеновиќ (ЈК Палиќ – Србија)
2. Лука Сретеновиќ (ЈК Палиќ – Србија)
3. Софија Ставрева (ЕК Акватика Јахтинг – Охрид)
4. Мерт Лушо (ЕК Снегар – Струга)
5. Јана Неданоска (ЕК Акватика Јахтинг – Охрид)
6. Илина Гаџовска (ЕК Акватика Јахтинг – Охрид)

КЛАСА 470
1. Петков/ Балџиев (ЦСЈС Академија – Софија, Бугарија)
2. Ировиќ/ Јовиќ (ЕК Панонија 1975 – Србија)
3. Јовиќ/ Миловановиќ (ЕК Панонија 1975 – Србија)

 

Се вчитува...