Италијанскиот првак Јувентус слави 120 години од своето постоење, а по првото полувреме аутсајдерот Беневенто имаше водство од 0-1, со голот од слободен удар на Чичирети. Тој во 19.минута го изненади Шчешни, а фудбалерите на „старата дама“ се изнапромашуваа на спротивната страна. Сепак, во вториот дел, Гонзало Игуаин и Хуан Квадрадо донесоа триумф за Јуве.
Лидерот Наполи „киксна“ на гостувањето во Киево и одигра 0-0, па сега Јувентус му се доближи само на еден бод. Инсиње и Мертенс имаа убави шанси, но не ги реализираа на овој натпревар.
Рома славеше голема победа (2-4) на гости против Фиорентина. Жерсон беше двоен стрелец, а триумфот во вториот дел го донесоа Манолас и Пероти. За Фиорентина погодија Верето и Симеоне во првото полувреме.
Резултати Италија: Јувентус – Беневенто 2-1, Калјари – Верона 2-1, Киево – Наполи 0-0, Фиорентина – Рома 2-4, Лацио – Удинезе одложено.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
