Селекторот на кошаркарската репрезентација на Словенија, која се закити со златен медал на Евробаскет, Игор Кокошков, го најави своето заминување од клупата. Српскиот стратег има огромни заслуги за сензационалното освојување на првото место, но сега се враќа во НБА каде го чекаат нови обврски како помошен тренер во Јута џез.
„Невозможно е да останам, а знаете и зошто. Новиот календар на ФИБА влијае на кошаркарите, но и на тренерите. Ова што го работев во Словенија не го сметав како работа, туку за мене беше големо задоволство. Ми беше чест што ги тренирав овие момци и што бев дел од оваа прекрасна приказна“, изјави Игор Кокошков.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
