Реал Мадрид претрпе уште еден пораз во Ла Лига, губејќи значајни бодови во трката за титулата откако „кралевите“ вечерва загубија во Севилја од тимот на Бетис со 2-1.
Брахим Дијаз донесе водство на шпанскиот првак, кој имаше контрола во првите триесетина минути и се чинеше дека рутински ќе стигне до триумф, но ситуацијата се промени откако Кардозо одлично се снајде и донесе израмнување на 1-1.
Фудбалерите на Бетис добија на самодоверба и почнаа да доминираат, „кралевите“ како да загубија здив, што резултираше со целосен пресврт откако Иско од пенал донесе водство на домаќините. Фудбалерите на Реал делуваа немоќно, Анчелоти дури и го повлече Мбапе од игра заменувајќи го со Ендрик, но гостите од Мадрид не успеаја да стигнат до израмнување и го претрпеа четвртиот пораз оваа сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
