Работнички в четврток ќе го пречека Динамо Минск на комплексот на ФФМ во рамките на второто квалификациско коло од Лигата на Европа, а клубот од денеска ги пушти во продажба влезниците за овој натпревар по цена од 200 денари.
Како што информира клубот од Дебар Маало на својот официјален сајт, билетите ќе можат да се набават преку онлајн продажната мрежа на МК Тикетс се до денот на одигрување на натпреварот, кога ќе се продаваат и пред самиот стадион. Сепак, се работи за ограничен број на билети за единствената трибина на стадионот кој е дел од комплексот „Петар Милошевски“ во Куќата на фудбалот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
