Бизарна и ретко видена сцена го означи крајот на натпреварот помеѓу Ал Таун и Ал Шабаб во шампионатот на Саудиска Арабија, во кој домаќините славеа со 2-0. Сè што се случи по последниот свиреж на судијата целосно го засени самиот натпревар.
Откако судијата Маџед Мохамед Ал-Шамрани означи крај на натпреварот, напаѓачот на Ал Шабаб, Абдулах Матук, му се приближи да се пожали, за што веднаш доби жолт картон.
Потоа Матук се упати кон соблекувалната, но во еден момент застана, се сврте кон судијата и плукна во негов правец. Иако судијата не виде јасно што се случи во тој момент, сè беше снимено од камери и беше целосно видливо во телевизискиот пренос.
Unfortunate scene after Al-Taawoun vs Al-Shabab game. Abdullah Matuq spat at the referee after full-time
VAR was checked, the referee called him back from the dressing room, and showed him a straight red 🟥
A six-month suspension is expected
— All About SPL 🔔 🇸🇦 (@Saudifutbol) January 10, 2026
Следеше проверка на ВАР, по што беше утврдено дека Матук направил сериозен дисциплински прекршок. Потоа судијата го повика играчот назад од соблекувалната, а штом повторно излезе на теренот, му покажа директен црвен картон.
Во Саудиска Арабија, ваквите испади се казнуваат исклучително строго, па тамошните медиуми веќе пишуваат дека на Матук му се заканува суспензија до шест месеци. Доколку се потврди таквата казна, неговиот неодговорен гест би можел да значи крај на сезоната за напаѓачот на Ал Шабаб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
