Бизнис-лига: ЈСП во меч со 14 гола го реши ЕВН

Во првата фаза од првото полувреме екпите на Систина и Рамстор влегоа доста претпазливо, внимавајќи повеќе на својот гол и фокусирани на одбраната. На средината на полувремето  Систина создаде сигурни шанси за гол, од кои две успеа да ги реализира,  паво 12. минута резултатот беше 2-0 за екипата на Систина. Во ова прво полувреме екипата на Рамстор не успеа да најде против-игра за расположената Систина. Првото полувреме заврши со резултат од 4-1. Во второто полувреме двете екипи наметнаа висок ритам на игра, Рамстор во таквата игра беше поконкретна и успеа да создаде чисти шанси за гол но денеска реализацијата им беше слаба страна. Екипата на Систина успеа да ги казни за слабата реализација и да го добие овој натпревар со резултат од 5-3.

Во првото полувреме од натпреварот помеѓу ЕВН и ЈСП двете екипи прикажаа одлична игра, со многу комбинаторика и воиграни акции. И двете екипи уште на самиот почеток започнаа да атакуваат кон противничкиот гол, во 4та минута екипата на ЈСП го отвори резултатот со одличен погодок на Србиновски кој играше како голман-играч. Екипата на ЕВН брзо се врати во игра и по само една минута го израмни резултатот, по овој постигнат погодок екипата на ЕВН доби дополнителна мотивација за игра во неколку минути успеа да направи целосен резултатски пресврт и на полувремето да замине со предност од 3-1. Во второто полувреме екипата на ЈСП уште на самиот старт го нападна голот на ЕВН, после неколку минути успеа да погоди два погодока и да го израмни резултатот на 3-3. Во продолжението на полувремето следуваше жестока борба низ целиот терен, поуспешна беше екипата на ЈСП која го доби овој дуел со резултат од 6-8.