Женската кошаркарска репрезентација на Македонија до 20 години се пласираше меѓу осумте на Европското првенство Б-дивизија кое се одржува во главниот град на нашата држава, Скопје.
Кошаркарките дел од работата ја завршија нешто порано со победата над Романија од 55-53, а вечерва Црногорките само го потврдија нашиот пласман во четвртфиналето, откако очекувано славеа над Хрватска со убедливи 80-49.
Избраничките на Јелена Антиќ во четвртфиналето ќе се сретнат со репрезентацијата на Словенија која е првопласирана во Д сегментот. Натпреварот кој ќе се игра во СЦ „Борис Трајковски“ е закажан за во петок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
