Легендата на Ливерпул, Стивен Џерард говорејќи на „Редмен ТВ“ упати пофални зборови за Куртис Џоунс, младиот фудбалер на „црвените“ кој имаше фантастичен настап во дербито против Челси изнудувајќи пенал и постигнувајќи гол за победа од 2-1.
Џерард кој му беше тренер на Џоунс во младинските категории изјави дека Англичанецот може да господари со средината на теренот, но до него е да најде константност за да биде дел од тимот која недела.
„Голем фан сум на Куртис Џоунс долго време. Имав среќа да му бидам тренер и да му помогнам во некои работи додека уште беше дете во академијата. Но, мислам дека сега дојде неговото време. Влегува во најдобрите години и мислам дека може да биде играч од врвна класа.
Секогаш е подготвен, силен и мислам дека сега Куртис треба да пронајде константност која ќе го држи од недела до недела на теренот и навистина покаже дека може да владее со средината на теренот бидејќи сигурно има талент и способност за такво нешто. Против Челси го покажа тоа. Тој е креативен играч кој може да излезе и на крило и има сила која може да му овозможи да господарува со средината на теренот“, вели Џерард.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА