Гевгелискиот прволигаш Блокотехна би можел да се приклучи на балканската БИБЛ лига уште низ актуелнава натпреварувачка сезона.
И покрај тоа што БИБЛ лигата веќе стартуваше, со одиграни две кола оваа сезона, сепак постои сериозен интерес од двете страни за вклучување на Блокотехна во регионалното натпреварување. Веќе се остварени првите разговори меѓу раководството на гевгеличани и раководството на БИБЛ лигата, а најевено е дека дефинитивната одлука ќе биде донесена во текот на следната недела.
Согласно последните информации, на заеднички состанок следната недела меѓу двете страни треба да се прецизираат деталите околу промените на натпреварувачкиот формат како би се отворила можноста за вклучување на гевгеличани во лигата.
Македонија сезонава е со еден претставник во БИБЛ лигата, вториот прволигаш од Гевгелија, екипата на Кожув.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
