Богдан Богдановиќ од Атланта беше трејдуван во Лос Анџелес клиперс што се покажа како одличен развој на настаните за српскиот ас, кој игра во одлична форма во дресот на новиот клуб.
Богдановиќ во последната година често беше поврзуван со камбек во европската кошарка, но поранешниот ас на Партизан и на Фенербахче јасно стави до знаење каков е неговиот став на оваа тема.
„Не се враќам во Европа, жал ми е што ќе ве разочарам сите. Ќе останам тука во НБА уште некое време, се надевам дека оваа желба ќе ми се исполни. Искрено, во моментов сум фокусиран само на ЛА клиперс и на обврските што ги имам овде. Кога ќе завршам со сезоната ќе размислувам и за репрезентацијата, европското првенство е дури кон крајот на месец август. Ги видов групите и навистина се силни, ова ќе биде едно од најквалитетните континентални натпреварувања во историјата на кошарката“, изјави Богдановиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
