Капитенот на Србија, Богдан Богдановиќ со уште една одлична партија ја водеше својата репрезентација до доминантна победа над Канада за пласман на Светското првенство 2023.
Богдановиќ постигна 23 поени во полуфиналето против Канада, притоа запишувајќи и нов рекорд за светската кошарка. Ова беше 24-ти негов натпревар во низа на Мундобаскет, сметајќи ги турнирите во Шпанија од 2015 и Кина 2019, на кој постигнува барем една тројка на меч. Тоа е најдолга низа која некој кошаркар ја остварил со погодоци од зад линијата 6,25 во последните 30 години, а претставува рекорд на сите светски првенста почнувајќи од она 1950 година во Аргентина па се до денес.
Очекувано Богдановиќ не го криеше задоволството по мечот истакнувајќи дека емоцинално е испразнет целосно, но и тоа како сите ќе бидат подготвени за финалето.
„Не знам… Не знам што да кажам. Многу сум среќен и задоволен, многу работевме напорно, некогаш и не верувајќи до каде може да стигнеме, но еве сме тука. Бев нервозен малку, и сега драго ми е што сме во финале. Ги сакам Америте во финалето, па онака добро да се ‘измериме’. Би сакал и поради некои други играчи поради некои порази кои претходно ги имавме од нив“ – истакна Богдановиќ.
Bogdan Bogdanovic continued his hot streak on offense to push Serbia to the Final and earn TCL Player of the Game honors 🔥
📊 23 PTS | 4 REB | 3 AST | 3 STL | 67% FG | 28 EFF#FIBAWC x #WinForSrbija 🇷🇸 | #InspireGreatness pic.twitter.com/TRPgo1tFmu
— FIBA Basketball World Cup 2023 🏆 (@FIBAWC) September 8, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
