Откако светскиот тенисер број еден, Италијанецот Јаник Синер, се реши со тримесечна забрана за допинг тест, критичарите од остатокот од тенискиот свет продолжуваат да се појавуваат, сметајќи дека ова е јасен пример за фаворизирање.
Синер ќе одлежи тримесечна суспензија од 9 февруари 2025 година до 4 мај 2025 година. Поради тоа Италијанецот ќе го пропушти Мастерсот 1000 во Индијан Велс и Мајами во март, и Монте Карло и Мадрид во април, но не и Ролан Гарос, кој започнува на 25 мај. Еден од критичарите на одлуката е поранешниот светски рекет број еден Евгениј Кафелников, кој на социјалните мрежи објави:
„И никогаш нема да дознаеме кој го иницирал договорот. Едноставно не го разбирам тоа! Ако сте апсолутно, 100% сигурни во вашата невиност ,како што беше претходно со неговите адвокати, зошто прифативте забрана од три месеци? Мене тоа ми нема смисла“, напиша Кафелников.
Кафелников е роден во Сочи во 1974 година. Во текот на својата играчка кариера освои две Грен слем титули, првата на Ролан Гарос во 1996 година, а три години подоцна го освои Австралија Опен. Тој го освои златото на Олимписките игри во Сиднеј во 2000 година. Тој ги повика тенисерите да го бојкотираат Синер и да не играат против него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
