Струга ТЛ се наоѓа во резултатска криза на почетокот од пролетниот дел од сезоната, која ќе сака и мора да ја прекине во денешната дерби пресметка од 22. коло во Првата македонска фудбалска лига против Шкендија пред своите навивачи.
Бесмир Бојку очекува преполни трибини и голема победа, која би означила враќање на позитивните резултати.
„Свесни сме дека се соочуваме со многу квалитетен тим, како што е Шкендија, но Струга ТЛ се уште го нема кажано последниот збор оваа сезона…“ – вели Бојку, кој признава дека тимот е во мини-криза, по трите едноподруго порази во пролетниот дел.
„Вистината е дека сме во мини-криза, но утрешниот натпревар против Шкендија е токму најдобриот момент за излез од оваа резултатска криза. Со оглед на квалитетот што го имаме во тимот, верувам дека 5. место на табелата во моментов не е реално. Денешниот дуел е добра можност да се вратиме на вистинскиот пат и да докажеме дека не случајно сме актуелни шампиони“.
Бојку верува дека и навивачите ќе им помогнат во битката за бодови.
„Натпреварите со Шкендија отсекогаш биле непредвидливи и интересни, па ја користам оваа прилика да ја поканам струшката јавност да биде присутна во што поголем број, со еден збор наш 12-ти играч“ – истакнува фудбалерот на стружани кој денеска го игра својот 90. натпревар во дресот на Струга ТЛ.
ПМФЛ – 22. КОЛО (денеска, 14 ч.)
Струмица: АП БРЕРА – ГОСТИВАР
Скопје: РАБОТНИЧКИ – ВАРДАР
Гостивар: БЕСА – СИЛЕКС
Битола: ПЕЛИСТЕР – ВОСКА СПОРТ
Струга: СТРУГА ТЛ – ШКЕНДИЈА
Кавадарци: ТИКВЕШ – ШКУПИ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
