Стив Кер не може да крене глава од проблеми од стартот на оваа сезона, а ситуацијата уште повеќе се искомпликува откако на листата на повредени играчи се најде и Џоната Куминга.
На последниот дуел со Мемфис Кер не можеше да смета на Стеф Кари, Пејтон и на Подзијемски, а згора на тоа остана и без помошта на Куминга, кој е еден од најстандардните кошаркари на „воините“ оваа сезона (имаше 16 меча во низа со двоцифрен број на поени).
Повредата на скочниот зглоб на десната нога делуваше сериозно и Куминга мораше на носилки да биде изнесен од теренот, а деталните лекарски прегледи ќе покажат колку овој кошаркар ќе мора да отсуствува од терените.
Голден Стејт со скор од 18 победи и 16 порази моментно се наоѓа на осмата позиција на табелата во Западната Конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
