Во драматичен крај на сезоната во турскиот шампионат Фенербахче не успеа да ја освои шампионската титула, но раководството на тимот предводено од Ачи Коч не се откажува од шампионските амбиции. Напротив, пред трансфер во клубот се наоѓа легендата на Реал Мадрид и францускиот фудбал Карим Бензема, пренесуваат тамошните медиуми.
Очекувањата се дека искусниот Един Џеко заминува од Фенербахче престојното лето и кариерата ќе ја продолжи во Саудиска Арабија, а голема желба на претседателот на клубот е него да го замени фудбалерот кој настапуваа во тој шампионат.
Бензема е дел од Ал Итихад, но не пружа добри настапи за овој тим. Во еден дел од сезоната тој беше исфрлен и од тимот, а според информациите на турските медиуми легендарниот напаѓач кој во кариерата постигна 354 голови за Реал Мадрид веќе го информирал клубот дека сака да се врати назад во Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
