Жозе Мурињо секое лето носи нов дефанзивец во своите тимови, но овојпат нема да се исполни желбата на „специјалниот“, на „Олд трафорд“ да биде ангажиран италијанскиот ас Леонардо Бонучи. Причината е јасна – убеденоста на овој одличен одбранбен фудбалер дека ланскиот трансфер од Јувентус во Милан е вистинскиот чекор и желбата да остане на „Сан Сиро“.
„Свесен сум за новите шпекулации за мојата иднина и искрено би сакал да исчезнат бидејќи во нив нема ниту ронка вистина. Јас лани дојдов во Милан како предводник на еден проект, ништо не е променето, мојата иднина се уште е како дел од оваа екипа. Целта е јасна – да се обезбеди влез во ЛШ, па потоа да се атакува на уште поголеми дострели“ – изјави Бонучи.
По ваквиот став на италијанскиот репрезентативец, за очекување е Мурињо целосно своето внимание да го насочи кон Алдервирелд од Тотенхем, кој е достапен за сума од околу 40 милиони фунти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
