По многу турболенции што се случија во есенската сезона во Борец од Велес, член на единствената Втора фудбалска лига на Македонија поради кои клубогт се најде на претпоследното мести на табелата, со само 5 освоени бода на 15 натпревари, се чини дека пролетната сезона ќе донесе подобри денови. Борец ангажира нов тренер, четврти по ред од почетокот на ггодинашново првенствио, по Љупчо Димитковски, Даниел Стојановски, Димче Настев и сега Горан Симов кој ќе се обиде да го направи невозможното, како што мислат добрите познавачи на фудбалот, да го спаси Борец од директното испаѓање од лигата или во најдобар случај да игра бараж за опстанок.
Борец има и нов претседател во името на поранешниот познат фудбалер Марјан Нацев,нов спортски директор Драган Јорданов кои заедно со Горан Симов, кој се прифати за тешка задача да се спаси што може да се спаси. Иако си заминаа повекето играчи, пред да се стабилизираа клубот, во овој подготвителен период, пред стартот на пролетното првенство, Борец успеа да ангажира осум нови фудбалери, кои на контролните натпревари добро се вклопија во екипата. Тоа се:Андреј Андов /Охрид/, Дамјан Венговски/ Вардарски/, Онур Емини /Фортина/, Никола Анчевски и Стојан Стојчевски /Еуромилк/, Бујар Хајдари /Воска/, Един Мерсовски/Кораби/ и Алекс Митров, кој играше во младинскиот тим на италијанскиот клуб Триестина. Се очекуваат уште двајца фудбалери да го пополнат ростерот на екипата.
-Свесен сум ,не само јас туку и сите во клубот дека не очекува тешка и неизвесна борба за опстанок, ни рече новиот тренер Горан Симов, кој пред две години како тренер на Мачедпнија Ѓ.П постигна голем успех освојувајќи го Купот на Македонија на мечот со Струга Трим Љум.Но ние нема однапред да се предадеме. Има да се играат уште 15 натпревафи до крајот и се може да се случи. Добро велат. Надежта последна умира. Четирите коингтртолни натпревари што ги одигравме досега ме охрабруваат и кажуваат дека сме на добар пат пролетва да освоиме повеќе бодови. Со Арсими игравме 3:3,загубивме од Скопје 0;2, ги победивме Тетекс 1:0 и Каменица Саса 3:1. Ме радува ефикасноста на екипата. Навистина имаме само 5 бода колку и Вардарски, пред нас во бараж зоната е Осогоо со 8 бода, тука се и Победа и Вардар со 14 бода, така што се уште ништо не е загубено.
Инаку во првите шест пролетни кола Борец игра дома со Победа, Саса и Осогово, им остува на Башкими, Новаци и Вардарски, екипи кои не се во горниот дел на табелата.
М.М
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
