Борко Ристовски беше жестоко критикуван, но и навредуван, од страна на голем дел од јавноста, но голманот на македонската репрезентација е убеден дека поголемиот дел од овие навреди се политички оркестрирани. Воедно, тој гласно им порача на „хејтерите“ дека нивните зборови нема да го натераат да се повлече.
„Морам да признаат дека не спиевме најдобро, барем јас. И не треба да се спие мирно после секој пораз. Таков е спортот… Тоа е притисок, разочарување, едноставно емоциите кога играте за својот народ и држава се преголеми. Јас сум во репрезентацијата околу 15 години и морам да признаам дека по првпат го почувствував притисокот на политиката на свој грб. Убаво школо. Корисен дел од мојот живот во и надвор од спортот. Меѓутоа оние што ме познаваат знаат дека јас не сум човек што се откажува ниту повлекува. Бидете сигурни дека нема да се повлечам ниту чекор назад на нападите и критиките кои што се дел апсолутно заслужени и ги прифаќам, но поголем број се орекстрирани политички но има и такви што се лични фрустрации. Велат дека глувците излегуваат на површина во случај на поплави и земјотреси. Така и сега. Ова се нивните 5 минути. Нека ги искористат добро затоа што многу брзо ќе завршат“, вели Ристовски.
Голманот на Бенфика гласно става до знаење дека кога станува збор за репрезентацијата, тука нема простор за поделба на партии, бидејќи најважна е само Македонија.
„Ние (репрезентацијата) имаме незавршена работа во Виена. Не чека натпревар кој е премногу важем за да ги разочараме вистинските македонски навивачи и оние поддржувачи кои одвоиле од својата уста за да дојдат тука и да не бодрат, и сите оние што испратија неколку илјади пораки изминатата ноќ. Ете затоа се игра за Македонија. Заради својата гордост, својата чест. Честа на своето семејство и народ. А сите оние на кои им смета македонското знаме, македонската химна, македонскиот народ се во огромно малцинство, за наша среќа. Затоа воопшто не е важно кој за која партија е. Важно е во вторник сите заедно сплотени да одиме на победа која не носи во вториот круг. Да живее Македонија“ – порачува Борко Ристовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
