Борко Ристовски со Барселона запиша уште една рутинска победа во шпанската АСОБАЛ лига. Во натпреварот од 12.коло, на домашен терен во „Блауграна“, каталонскиот тим славеше против Сегурос Замора со 32-20.
За Барселона ова е максимална 12 победа во АСОБАЛ во која трофејниот тим веќе неколку сезони е неприкосновен на лидерската позиција.
Македонскиот репрезентативен голман и на овој натпревар беше на висина на задачата со 15 одбрани. Најефикасен во нападот на Барселона беше Тунижанецот Ваел Жалуз со шест гола, а по пет погодоци постигнаа Валеро Ривера и Алекс Абело.
Следен на распоредот на Барселона е гостинскиот дуел против Нант во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
