Главната трансфер цел на Манчестер Јунајтед, Џејдон Санчо се чини летово ќе остане само желба. Ова доаѓа откако младиот англиски репрезентативец веќе отпатува на предсезонските подоготвки на германаскиот вицеправак, а особено по изјавата на Михаел Цорк, спортскиот директор на Борусија Дортмунд кој вели дека фудбалерот останува во клубот и следната сезона.
„Одлуката е конечна. Тој е во нашите планови за следната сезона. Мислам дека ова е одговорот на сите прашања кои беа поставувани во минатиот период. Минатото лето го продолживме неговиот договор до 2023 и тој доби значително зголемување на годишната плата во согласност со неговите изданија и перформанси“ – изјави Цорк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
