Борусија Дортмунд најавува излез од резултатската криза откако „милионерите“ славеа на домашен терен над Мајнц со 3-1, прекинувајќи ја серијата од два бундеслигашки порази на тимот на Нико Ковач.
Гостите дојдоа полни со самодоверба во Дортмунд откако во последните пет рунди имаа четири победи и едно реми, но малиот пад на концентрација во финишот од првото полувреме скапо ги чинеше фудбалерите на Мајнц. Бајер прв го отвори резултатот по една одлична тимска акција на Борусија, а само неколку минути подоцна Емре Џан погоди со глава по еден корнер на домашниот тим за 2-0.
Третиот гол повторно беше постигнат по корнер за Борусија, овојпат стрелец беше Шлотербек, а се што успеа да стори гостинскиот тим беше утешниот гол на Небел во 76. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
