Кошаркарите на Филаделфија им дадоа прекрасен божиќен подарок на своите фанови, триумфирајќи на гостувањето против шампионот Бостон со 114-118. Филаделфија е едно од најголемите разочарувања од стартот на сезонава, но синоќа овој тим одигра одличен меч, успевајќи да го земе скалпот на актуелниот шампион. Пресудна беше серијата од 21-6 на стартот од последната четвртина со која гостите се одлепија резултатски и на крајот заслужено се радуваа на победата. Макси беше лидер на победничкиот тим со 33 поени и 12 асистенции, Ембид реализираше 27 поени, додека Тејтум стигна до дабл-дабл од 32 поени и 15 скокови.
Денвер претрпе уште еден пораз, овојпат на гостувањето против Феникс со 110-110. „Сонцата“ настапија без Девин Букер, но и во неговото отсуство го совладаа поранешниот првак во кој единствена светла точка повторно беше Никола Јокиќ со 25 поени и 15 скокови. Дурант и Бил со по 27 поени ги предводеа стрелците на Феникс во оваа божиќна победа.
ЛА Лејкерс триумфираше на гостувањето против Голден Стејт со 113-115, Остин Риверс беше стрелец на победничките поени во самиот финиш откако Кари погоди луда тројка од десет метри и го израмни резултатот на помалку од шест секунди до крајот.
Леброн Џејмс го одигра својот рекорден 19. божиќен меч во кариерата и стигна до импресивен дабл-дабл од 31 поен и 10 асистенции, Кари на спротивната страна погоди осум тројки за вкупно 38 поени.
Резултати НБА:
Голден Стејт – ЛА Лејкерс 113-115, Феникс – Денвер 110-100, Бостон – Филаделфија 114-118.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
