Екипата на Бостон селтикс тргна фуриозно во финалето од Источната конференција, декласирајќи го Кливленд во премиерниот натпревар од оваа финална серија со преубедливи 108-83. Иако кошаркарите на Кливленд делуваа фуриозно во претходната рунда против Торонто, овојпат Леброн и соиграчите немаа одговор за извонредната колективна игра во нападот на домашниот состав.
Бостон одигра фантастично во првата четвртина, што домашните кошаркари ја завршија со двојно повеќе поени од гостите (36-18). Во сличен ритам се продолжи и во вторите 12 минути, по што селтикси заминаа на одмор со преубедливи 61-35. Се што успеа Кливленд да стори е да ја намали разликата на крајот од третиот период на 14 поени, но потоа Бостон го отвори последниот период со серија од 18-4 и дефинитивно ги отстрани сите дилеми околу победникот на овој натпревар.
Браун со 23 и Морис со 22 поени беа најефиксни кај Бостон при вечерашниот триумф, а домаќините одиграа и одлична одбрана врз Леброн Џејмс, кој постигна скромни 15 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
