Џејлен Брансон, еден од најдобрите кошаркари на Њујорк Никс ги пропушти последните 12 натпревари на својот тим поради повреда заработена на 6. март кога на средбата против ЛА Лејкерс го повреда зглобот стапнувајќи на ногата на Остин Ривс.
Првичните прогнози велеа дека ќе биде надвор од теренот само две недели, но неговото отсуство сега дополнително се зголеми. Тој се надева дека ќе се врати на паркетот до крајот на сезоната и ќе биде подготвен за настап во плеј-офот.
„Реално се надевав дека ќе играм пред плеј-офот. Мислам дека е добро за мене да влезам во ритам пред да влеземе во таков ритам на натпревари, но највеќе од се сакам да бидам 100 отсто здрав“, изјави Брансон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
