Бразилската репрезентација заврши на 5-то место во квалификациите за Светското првенство, што е најлошиот резултат во нејзината историја. Во 18 натпревари од квалификациите за Светското првенство во 2026 година во Јужна Америка, „Селесао“ собра 28 бода и се пласираше на завршниот турнир.
Претходниот најлош резултат на Бразил беше третото место во квалификациите за Светското првенство во 2002 година, кое на крајот го освоија.
Во четири случаи, петкратните шампиони го освоија првото место на квалификациските турнири (Светско првенство 2006, Светско првенство 2010, Светско првенство 2018, Светско првенство 2022).
Бразил не учествуваше во квалификациите за Светското првенство во 1998 година како бранител на титулата, ниту во квалификациите за Светското првенство во 2014 година како земја домаќин.
Сепак, и покрај лошите квалификации, селекторот Карло Анчелоти е оптимист дека Бразил може да дојде до титулата.
„Со оглед на настапите на тимот како целина, убеден сум дека ќе имаме Светско првенство и ќе се бориме на секој меч. Целта е титулата, и мислам дека ќе се снајдеме одлично“, изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
