Карло Анчелоти може да стане селектор на Бразил, но во 2024 година, објавуваат медиумите во Бразил. Италијанскиот тренер беше поврзуван со клупата на „кариоките“ и ова лето, но неколкупати беше категоричен дека ќе остане и следната сезона дел од „кралевите“.
Меѓутоа Бразил е упорен во намерата да го обезбеди неговиот потпис, и тој да го води Бразил на Мундијалот во 2026 година. Токму од тука челниците на федерацијата на оваа земја се подготвени и да го чекаат Анчелоти да му истече договорот со Реал, па да го провмоираат за нов селектор, а тоа би се случило во 2024 година.
Првиот човек на бразилската федерација Едналдо Родригез му соопштил на екс фудбалерот на Бразил, Кака, кој е директен преговарач за Анчелоти, дека е подготвен да го чека до 2024 годиназа да му ја довери клупата.
Во моментов в.д. селектор на Бразил е Рамон Менезес, кој и по доаѓањето на Анчелоти, би останал во стручниот штаб на „кариоките“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
