Бразилските клубови во штотуку завршениот преоден рок потрошија 196,44 милиони за нови играчи, што не е случај за повеќето клубови од најсилните европски лиги. Ова е уште еден доказ за доминацијата на Бразил како фудбалска сила во Јужна Америка.
Доминираат клубовите од најголемата земја во Јужна Америка кои славеа на пет претходни изданија на Копа Либертадорес. Во предводниците на бразилскиот фудбал доминираат Фламенго, Коринтијанс, Ботафого и Палмеирас, кои во јануари потрошија најголем дел од споменатите пари на засилувања.
Сумата од 196,44 милиони е поголема од сумата потрошена за засилувања во јануари од клубовите од Премиерлигата (132 милиони), Примера дивизион (94,2 милиони), Серија А (107,7 милиони), Бундес лига (100 милиони), МЛС (120 милиони). Само клубовите од француската Лига 1 потрошија повеќе пари од Бразилците во јануари (196,93 милиони).
Најмногу пари беа издвоени за трансферите на Луис Енрике и Нико де ла Круз – 16 и 14,5 милиони евра. Првиот се пресели од Бетис во Ботафого, поточно се врати во клубот, а вториот му се приклучи на Фламенго од аргентинска Ривер Плата. Фламенго потроши најмногу на засилувања – за само тројца играчи плати близу 30 милиони евра.
Ботафого и Коринтијанс потрошија по 24 милиони евра за јануарските засилувања, додека шампионот Палмеирас имаше поскромно трошење: одвоија 16,7 милиони за пет играчи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
