Воениот напад на Русија врз Украина ги сопре сите спортски случувања во земјата на еден месец. Спорт ќе нема, а странците веќе бараат начин како да ја напуштат Украина.
Бразилските фудбалери на најголемите украински клубови Шахтјор и Динамо и натаму се во Киев, сместени се со семејствата во хотел и се надеваат на скора евакуација.
„Сите сме тука заедно, играчи на Динамо и Шахтјор, а тука се и нашите семејства. Затворени сме во хотел и чекаме. Со ова видео бараме помош, границите и аеродромите се затворени и не можеме да ја напуштиме земјата. Бараме помош од бразилската влада. Се надевам дека може да ни помогне“, рече Марлон, играчот на Шахтјор.
„Ситуацијата е очајна. Нема гориво, снемува храна, нема пари. Чекаме план за напуштање на Украина“, изјави Мораеш.
Шахтјор има во своите редови 12 бразилски играчи, а Витињо игра за Динамо Киев.
Jogadores brasileiros do Shakhtar e do Dínamo estão reunidos com as famílias em um hotel de Kiev. Acabaram de gravar esse vídeo pedindo ajuda das autoridades brasileiras para deixar o país. pic.twitter.com/7ah1RuKGo2
— Arthur Quezada (@ArthurQuezada) February 24, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА