Брегалница продолжува со интенцијата за засилување на играчките редови со најдобрите млади фудбалери од Македонија, ангажирајќи уште еден младински репрезентативец за продолжението од сезоната во Втората лига – Исток. Овој пат, ново засилување на „сините“ е досегашниот фудбалер на Академија Пандев, Михаил Маневски.
20-годишниот Маневски, кој е стандарден член на младата репрезентација на Македонија, откако ја заврши соработката со Академија Пандев денеска и официјално постигна договор за идна соработка со Брегалница. Левиот бек, кој може да игра и на левокрилната офанзивна позиција, изминатава есен одигра десет натпревари за Академија Пандев во најсилната лига на Македонија.
Маневски е трето засилување за Брегалница откако претходно го ангажираше и 21-годишниот Кристијан Ацковски, досегашниот фудбалер од средниот ред на Работнички, како и крилниот офанзивец од Силекс, 21-годишниот Дарко Додев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
