Брегалница е пред продажба на уште еден свој фудбалер, по претходните трансфери на Мартин Стојанов и Јован Манев.
И фудбалерот од средниот ред на штипските сини, Никола Ескиќ е пред трансфер во летниот преоден рок. Српскиот интернационалец, според последните информации, е пред преселба во шампионатот на Литванија, во редовите на ФК Ритериаи каде ја продолжува својата кариера.
Се очекува да бидат финализирани и последните детали меѓу двете страни пред реализацијата на трансферот.
24-годишниот Ескиќ во Брегалница пристигна на почетокот од минатата сезона, а претходно во својата кариера има настапи и за српските Напредак и Бачка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
