Пелистер врза две победи на стартот од 2026 година, а „зелено-белите“ ќе се обидат во ист стил да продолжат и во третиот меч во низа, утрешното гостување против тимот на Маџари.
Кевин Брејси Дејвис е меѓу најдобрите кошаркари на Пелистер од старт на сезонава, а американскиот крилен центар смета дека постои простор за уште поголем напред во играта.
„Дефинитивно сме подобри во однос на завршницата на ланската сезона. Имаме напредок во нападот, пред се во движењето на топката, дефинитивно играме побрзо и тоа се одразува на резултатите. Мораме да продолжиме да работиме, пред се да ја подобриме одбраната, комуникацијата при ротациите кога противникот ја има топката“, изјави Брејси Дејвис.
Маџари е тим против кого Пелистер се мачеше во првиот круг во Битола, триумфирајќи дури по продолженија.
„Играме со квалитетен противник кој сезонава покажа дека секому можже да му создаде противници. Го почитуваме тимот на Маџари, но нашиот фокус треба да биде на сопствената игра, да бидеме агресивни како во нападот, така и во одбраната и на тој начин да стигнеме до победата“, порачува Американецот во таборот на „пелистерци“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
