Бразилскиот интернационалец Мартинс Де Паула Кауан е нов играч на Брера Струмица за понатамашниот дел од првенството. Станува збор 23 годишен дефанзивец кој минатата година настапуваше за естонскиот тим Транс Нарва каде имаше неколку забележителни настапи. Претходно Де Паула Кауан има настапувано и во неколку бразилски клубови меѓу кои и за младите категории на Коринтианс.
Де Паула одлично игра со левата нога. Се одликува со агресивност, добар преглед во одбранбената линија, стабилност во играта но и со добар скок и се очекува да даде голем придонес во одбраната на играта на Брера.
,,Одлично сум примен, и се надевам дека ќе имаме одлична соработка и во иднина. Ќе дадам се од себе за да ја исполниме зацртаната цел за ова полусезона. Сакам да помогнам и да постигнеме добри резултати за да можеме како Брера да бидеме повисоко на прволигашката табела“, кажа во својата прва изјава бразилскиот интернационалец.
Претходно дресот на нашиот клуб го облекоа Даниел Миловановиќ, нигерискиот интернационалец Ибрахим Олаосебикан, младиот Лука Георгиев и српскиот напаѓач Џорџе Ивковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
