Брера направи џиновски скок на петтата позиција на прволигашката табела откако струмичани попладнево како гости го изненадија Башкими, славејќи со 0-2.
Струмичкиот прволигаш игра одлично во последно време, успевајќи експресно да го остави зад себе изненадувачкиот пораз на домашен терен од Работнички минатата рунда и да стигне до посакуваните бодови против Башкими.
Клучен момент на натпреварот беше 44. минута, кога Ивановски по еден контранапад одлично се снајде и на асистенција на Тодоров го совлада домашниот голман. Кумановци беа принудени да се отворат и да тргнат на се или ништо, а Брера го искористи тоа и во судиското продолжение постигна и втор гол, преку Величковски во 93. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
