Ракометарите на Бутел влегоа во победничка низа во Суперлигата откако во 4. коло славеа на домашен терен против Голден Арт со 29-23 во натпревар во кој во најголемиот дел ја имаа резултатската контрола.
Голден Арт ги искористи грешки на домашниот состав на самото отварање на средбата и поведе со 3-5 во воведните минути, но како што одминуваше првото полувреме така Бутел ја превзема иницијативата. Серијата од 4-0 донесе предност за домаќините, а и покрај тоа што Голден Арт успеа да стигне до ново изедначување (9-9) финишот на првите 30. минути беа во знакот на „сино-белите“ кои поведа со предност од два поседа за 12-10.
Второто полувреме не донесе промена, од минута во минута Бутел ја зголемуваше предноста благодарние на мини-серии за во еден момент да поведе и со 25-18 со што назначи мирен финиш на средбата. Домашните ракометари немаа проблем да ја задржат позитивата до 60. минута па стигнаа до победата број два.
Со по пет постигнати голови Ѓеоргиевски, Николов и Иваниќ го предводеа Бутел, додека по пет голови на спротивната страна забележаа Ончев и Шилегов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
