Бутел се зацврсти на второто место на суперлигашката табела откако дебитантот во елитното натпреварување со фантастична игра во одбраната стигна до убедлив триумф над Охрид со 23-15. Како пресудно се покажа првото полувреме во кое Бутел им дозволи на гостите да постигнат само четири погодоци, трасирајќи си го патот до победата.
Охриѓани до деветтата минута имаа постигнато три погодоци, но потоа до крајот на полувремето само уште еднаш го совладаа домашниот голман, па на одмор се замина со негатива од 9-4. Ракометарите на Охрид го отворија вториот дел со три гола во серија, но Бутел се разбуди во вистински момент, влезе во серија лесни погодоци и на крајот заслужено славеше со убедливи осум гола разлика.
Мирко Мајиќ со девет гола беше најефикасен во победничкиот тим, Златко Мојсоски постигна шест, додека кај Охрид најдобар поединец беше Георгиевски со пет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
