Само неколку дена откако доби отказ од Реал Мадрид, Чаби Алонсо би можел да има нов ангажман, и тоа во за него позната средина – во Германија.
Според информациите на „Билд“, Алонсо е еден од кандидатите за клупата на Ајнтрахт Франкфурт, со оглед дека Дино Топмелер е пред отказ од клупата на овој тим. Екипата четири кола по ред нема победа, и падна на табелата, а веројатно челниците на Ајнтрахт веќе донеле одлука за негова смена.
Ајнтрахт има 27 бодови, игра лошо оваа сезона, и затоа раководството веќе одлучило да му врачи отказ на Топмелер, а на негово место би требало да дојде Алонсо. Алонсо направи чудо со Баер Леверкузен, и ја освои титулата пред две сезони по неверојатна сезона и без пораз во Бундеслигата. Неговото име се поврзуваше во минатото и со Баерн Минхен и со Ливерпул, а сега би можел додека не најде друг клуб, да биде дел од Ајнтрахт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
