Чаби Алонсо втора година по ред ќе го откачи Реал Мадрид за да остане на клупата на Баер Леверкузен, информираат германските медиуми повикувајќи се на изјавата на спортскиот директор Симон Ролфс.
Алонсо минатото лето ги откачи Реал, Баерн Минхен и Ливерпул за да остане во Леверкузен по фантастичната сезона во која „фармацевтите“ стигнаа до двојна круна во германскиот фудбал. Во меѓувреме се шпекулираше дека Алонсо е фаворит за летово да се врати на „БЕрнабеу“ на местото на Карло Анчелоти, но во управата на Баер се убедени дека тоа нема да се случи.
„Чаби останува со нас. Тој има важечки договор до летото 2026 година и ќе остане на чело на Баер. Зборував со него, ми кажа дека нема вистина во приказните дека ќе се пресели во Мадрид“, изјави Симон Ролфс.
Чаби Алонсо досега го има водено Баер Леверкузен на вкупно 143 натпревари, при што има одличен скор од 87 победи, 28 реми и само 17 порази.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
