По испаѓањето на Реал Мадрид од Лигата на шампионите, на големо се зборува за евентуален прекин на соработката меѓу кралскиот клуб и Карло Анчелоти на крајот од сезоната. А како наследник се споменува тренерот на Баер Леверкузен, Чаби Алонсо.
Шпанскиот тренер повеќе од една година се поврзува со Реал, но се уште нема ништо конкретно. Што го потврди и самиот Чаби Алонсо.
„Не е добро време да се зборува за иднината. Овој период од сезоната е многу важен. Не сакам да разговарам за шпекулации и гласини. Разбирам дека е интересно, но тоа што се случува во Леверкузен сега ми е поважно”, изјави Алонсо.
На крајот на минатата сезона кога Баер ја освои двојната круна, прва во историјата на клубот, Алонсо беше многу барана стока. Наводно го посакувале Реал, Ливерпул и Баерн. Во тој момент само Реал го реши тренерското прашање, но Арне Слот и Винсент Компани дојдоа на „Енфилд“ и „Алијанц арена“, а самиот Алонсо реши да остане во Леверкузен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
