Тренерот на Барселона Чави Хернандез изјави дека Манчестер Јунајтед е еден од најдобрите тимови во Европа и дека неговиот тим ќе се обиде да покаже дека може да игра против најдобрите во реваншот од шеснаесетинафиналето во Лигата на Европа.
Фудбалерите на Барселона вечерва од 21 часот на „Олд Трафорд“ играат против Манчестер Јунајтед, реваншот од плејофот за пласман во осминафиналето на Лига Европа. На првиот натпревар во Шпанија беше нерешено 2-2.
„Манчестер Јунајтед е еден од најдобрите тимови во Европа во моментов. Ова е најдобриот тим на Манчестер Јунајтед во последните години, а тоа го докажаа и со последните резултати. Донесоа многу карактер и интензитет во нивната игра, страст, ритам, она што го покажаа на првиот меч. Ќе мора да го сториме истото, да покажеме карактер и да веруваме во нашиот начин на игра. Тоа е совршено сценарио во кое можеме да покажеме дека Барса може да се натпреварува со еден од најдобрите европски тимови“, изјави Чави.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
