Александар Чеферин се појави во интервју за словенечкиот весник „Дело“, разговор во кој првиот човек на УЕФА говореше на најразлични теми, меѓу другото и за постојаните поплаки за премногу одиграни натпревари од страна на врвните клубовии фудбалери.
„Распоредот е целосно исполнет и нема да има место за нови натпреварувања. Играчите е зафатени, најверојатно и премногу зафатени. Сепак, слушам како се жалат само оние фудбалери кои се меѓу најплатените во светот. Ситуацијата е комплексна, тие бараат многу пари кога преговараат, а за клубовите да можат да ги најдат тие пари потребно им е да играат повеќе натпревари. Ако имаме помалку мечеви, клубовите би банкротирале со овие финансиски барања на фудбалерите“, вели Чеферин за „Дело“.
„Клубовите мора да се јават и да кажат што мислат за целата ситуација, да не биде целиот притисок на ФИФА и на УЕФА. Во некои земји има и по два национални купа, дали тие би се откажале од еден од нив, или би прифатиле кратење на домашната лига. Нека се јават со конкретен предлог и фудбалерите, дали би се согласиле на помали плати за да играат помалку натпревари. Дебатата е комплексна, но мене ми пречи што со прстот се покажува кон нас – велат дека УЕФА и ФИФА само земаат пари, но вистината е дека УЕФА враќа 97% од своите вкупни приходи назад во фудбалот“, додава Александар Чеферин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
