Претседателот на УЕФА, Александар Чеферин оствари денеска средба во Атина со премиерот на Грција, Киријакос Мицотакис.
Главна тема на разговорите беа секако навивачкото насилство и нередите кои минатата недела ги предизвикаа навивачите на Динамо Загреб и АЕК.
„Тажни сме и бесни поради оние страшни нешта кои се случија, и поради ова бесмислено насилство. Бесни сме затоа што некој ги користи спортот и фудбалските натпревари за насилство. Замислете каква сте вие личност ако мора да нападнете некого само затоа што носи дрес на некој друг клуб“ – рече Чеферин по средбата и дополни:
„Ова е рак-рана на фудбалот. Тие што го предизвикаа инцидентот во Атина, тие не се навивачи. Не викајте ги нив фудбалски навивачи. Тие само го користат фудбалот за своите глупави идеи. Доста е насилство. Насилството и хулиганизмот носат проблеми не само за Грција, туку за цела Европа. Мора да ги искорениме тој рак од општеството“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
